طريقه حفظ النعناع الأخضر 🌱 والليمون 🍋
طريقه حفظ النعناع الأخضر والليمون
السلام عليكم 
س / طريقه حفظ النعناع الأخضر 
والليمون 
لاطول فتره لاستخدامات ال باريستا .
ج / فيه طريقتين لحفظ النعناع والليمون 
الطريقة السهلة والطريقة الأسهل 
الطريقة الأولى/ باستخدام ورق الجرائد 
1. النعناع
فك الربطة بتاعته واغسله كويس .
افرد ورقة جرايد وحط النعناع جواها .
رش عليه شوية مية بسيطة ( فى كل مره تاخد منه )
لف الورق حواليه كويس .. واحفظها بالثلاجة .
2. الليمون
اغسله كويس جدًا .
لف كل ليمونة لوحدها بورقة جرايد .
حطهم في علبة ثلاجة تكون محكمة الغلق .
الطريقة التانية / باستخدام المناديل 
1. النعناع
قص العود بتاعه واغسله كويس جدًا .
هات علبة ثلاجة وفرش منديل في القاع .
رص النعناع فوق المنديل .
وبعدها حط منديل تاني فوقه .
كرر الطبقات لحد ما الكمية تخلص .
وبعدين اقفل العلبة كويس .. واحفظها بالثلاجة .
2. الليمون
نفس خطوات طريقة الجرائد .
لكن بدل ما تلف الليمون بورق جرايد استخدم مناديل .
حفظ النعناع والليمون بالطريقتين ممكن ..يقعدوا من أسبوع لشهر بحفظ جيد .
خد الكمية اللي محتاجها وقت الاستخدام ..ورجّع الباقي على طول في التلاجة .
بكده تضمن إن المكونات تفضل طازة وجاهزة 
للاستخدام فى صناعة المشروبات فى مقهاك ..لاطول فتره ممكن .
انتظر دئماء استفساراتكم وتجاربكم على مدونتى
تعليقات
إرسال تعليق