لو دخلت محل بن ولقيت مكتوب على الكيس "مجفف بالفاكهة" أو "Dry Processed"... ركّز!

 

 

لو دخلت محل بن ولقيت مكتوب على الكيس "مجفف بالفاكهة" أو "Dry Processed"... ركّز!

ده مش مجرد اسم شكله حلو، دي طريقة معالجة فاخرة بتفرق في الطعم بشكل كبير.

يعني إيه مجفف بالفاكهة؟

يعني حبوب البن اتجففت وهي لسه جوا الثمرة (اللي شبه الكرز)، وتسابِت في الشمس لفترة علشان تمتص الحلاوة الطبيعية من الفاكهة نفسها.

والنتيجة؟

• قهوة فيها نكهات فاكهية، ناعمة، شبه منعدمة المرارة، وحلاوتها طبيعية.
• النوع ده غالبًا بيكون بن أرابيكا إثيوبي، من أفضل الأنواع في العالم لعشاق القهوة المختصة.
• فلو بتحب القهوة النعمة ومش طايق المرارة، اسأل عن البن المجفف بالفاكهة أول ما تدخل أي محل.
• دي القهوة اللي بتشربها بـ"تجربة"... مش بس كافيين!

بس غالبا هتلاقي سعره أغلى من البن التجارى ليه

1. جودة عالية: البن ده غالبًا بيكون من نوع "Specialty Coffee"، يعني بيتم اختياره ومعالجته بعناية.

2. طريقة المعالجة نفسها: تجفيف البن بالفاكهة بياخد وقت ومجهود أكتر (بيفضل في الشمس 2–4 أسابيع).

3. كمية إنتاج محدودة: المزارع الإثيوبية غالبًا صغيرة، فالإنتاج مش ضخم.

4. نكهات مميزة: الطعم الفاكهي والحلاوة الطبيعية مش موجودين في البن التجاري العادي.