ليه بعض الناس بترش سكر الجلوكوز على البن الأخضر قبل التحميص؟!

 

 

ليه بعض الناس بترش سكر الجلوكوز على البن الأخضر قبل التحميص؟!

الموضوع غريب؟ تعال نفهم الحكايه...

فيه ناس بدأت تجرب ترش جلوكوز بودرة أو تحط طبقة خفيفة على البن الأخضر قبل ما يدخل على المحمصة، والسبب؟ تعال أقولك:

يقلل المرارة بعد التحميص

الجلوكوز بيساعد على تفاعل "مايار" اللي بيطلع منه ريحة وطعم القهوة اللي بتحبها… ولما بنضيف شوية سكر، التفاعل بيكون أقوى والطعم بيروق شوية.

بيساعد على الكراملة

يعني وانت بتحمص، السكر بيتحول لطعم مسكّر خفيف وبيغني الطعم النهائي.

بيقلل نسبة التجفيف

لما السكر يتفاعل مع الحرارة، بيحافظ شوية على رطوبة الحبوب وبيقلل الفقد في الوزن، وده بيساعد في القوام كمان.

لو البن فيه شوية عيوب؟ بيحسن الطعم ويداري المرارة

طب هل دي طريقة معتمدة في القهوة المتخصصة؟

لأ خالص... دي طريقة ممكن تستخدمها لو شغال ببن متوسط أو اقتصادي، وعايز تحسن الطعم وتقلل العيوب.

بس خد بالك: – لو زودت الكمية، ممكن البن يطلع مُسكر أوي

•  الجلوكوز ممكن يلزق في المحمصة ويعمل دخنة
•  والطعم لو زاد عن حده ممكن يبقى "مصطنع"

الطريقه دى لا ينصح باستخدامها نهائى ماهى الا معلومات عامه

لما تسببه من أمراض وغش وفى دول بتستخدم الطريقه دى ومنتشر بس فى النهايه لا يوصى بها

ولو جربتها قبل كده، احكي لنا عملت إيه؟