الإطار العام لتوليفات القهوة التركى

 

 

الإطار العام لتوليفات القهوة التركى

لو لسه بتبدأ تعمل توليفه مخصوص ليك، فيه حاجات لازم تبقى فاهمها كويس علشان الموضوع يبقى أسهل:

1. التكلفة:

التوليفة اللى بتعملها بتكون غالبًا في حدود ٣٨٠ ل٤٣٠ جنيه عشان بعد كده تقدر تبيع الكيلو للمستهلك من اول ٥٠٠ جنيه. انا هنا بتكلم على الفئة الكبيره اللى مستهدفها من التوليفه دى

2. الذوق العام:

الناس متعودين على نسبة معينة من القهوة في الفنجان وهنا بتكلم بردو عن معظم الفئات مش للقهوة اللى بتستهدف فيه شريحه معينه.

٧٠٪ روبيستا

٣٠٪ أربيكا

3. النقطه دى نتيجه طبيعيه للتكلفه والذوق العام هتلاقي أنواع البن اللي بتتحكم فيها:

بناءً على النسب دي، هتكون اختياراتك للبن زي كده:

الروبيستا:

إندونيسي عيب ٤٥

هندي روبيستا

فيتنامي

أوغندي

برازيلي روبيستا

الأربيكا:

برازيلي ريو

حبشي لقمتي

خلاصة الكلام:

لو عاوز تعمل توليفه خاصة بيك، لازم تفهم الأساسيات دي كويس، وتبدأ تجرب وتغير في النسب لحد ما توصل للتوليفه اللي تناسب الشريحه الكبيره للسوق المصرى.

لو زودت نسبة الاربيكا أو بدأت تدخل كولومبى أو هندى اربيكا هتلاقي نفسك خرجت عن التكلفه اللى تقدر تبيع بيها للشريحه دى.